Dəstək xidməti: *7707

AVTO XƏBƏRLƏR

06 Dekabr 2017
5948

Bakıda dəhşətli qəza: 5 nəfər ölüb – YENİLƏNİB + VİDEO + FOTO

Bakının Qaradağ rayonunda, Lökbatan-Xocasən avtomobil yolunun Qaradağ rayonundan keçən hissəsində “Mercedes” markalı minik avtomobilinin “Mercedes” markalı yük maşınının arxa hissəsinə çırpılması nəticəsində ölən azyaşlının kimliyi məlum olub.

Turbo.az-ın Report-a istinadən məlumatına görə, bu, 6 aylıq Hüseynova Cənnət İntamiz qızıdır.

Qəza nəticəsində ölənlərin hamısı Laçın rayon sakinləridir. Qeyd edək ki, hadisə zamanı 5 nəfər ölüb.

21:58

Bakının Qaradağ rayonunda, Lökbatan-Xocasən avtomobil yolunun Qaradağ rayonundan keçən hissəsində “Mercedes” markalı minik avtomobilinin “KamAZ” markalı yük maşınının arxa hissəsinə çırpılması nəticəsində ölənlərin hamısı bir ailənin üzvləridir.

Oxu.Az-ın Report-a istinadən məlumatına görə, onların arasında 6 yaşlı uşağın da olduğu bildirilir. Ailə üzvləri Ağcabədi rayonundan, yas mərasimindən Bakıya qayıdırmış.

Faktla bağlı araşdırma aparılır.

19:16

Bakı-Qazax avtomobil yolunun Qaradağ rayonundan keçən hissəsində yük maşını minik avtomobili ilə toqquşub.

Oxu.Az-ın Report-a istinadən məlumatına görə, “Mercedes” markalı minik avtomobili idarəetməni itirərək “KamAZ” markalı yük maşınının arxa hissəsinə çırpılıb.

Hadisə yerinə Fövqəladə Hallar Nazirliyinin (FHN) Xüsusi Riskli Xilasetmə Xidmətinin əməkdaşları cəlb olunub.

Hazırda minik avtomobilində sıxışıb qalan 3 nəfərin meyiti çıxarılıb, digər 2 nəfərin də meyitinin çıxarılması istiqamətində işlər aparılır.

Faktla bağlı araşdırma aparılır.


https://oxu.az/auto-moto

Turbo.az