AVTO XƏBƏRLƏR

08 Sentyabr 2017
2173

Bakıda ağır qəza : İki nəfər ölüb – YENİLƏNİB

Fövqəladə Hallar Nazirliyi dünən Bakının Səbail rayonunda iki nəfərin ölümü ilə nəticələnən yol qəzası haqqında məlumat yayıb.

FHN-dən Oxu.Az-a verilən xəbərdə bildirilir ki, Nazirliyin Böhran Vəziyyətlərində İdarəetmə Mərkəzinə Bakı şəhərinin Səbail rayonunda, Bakı-Ələt magistral avtomobil yolunun 18-ci kilometrliyində “Opel” və “Subaru” markalı iki minik avtomobilin toqquşması haqqında məlumat daxil olub.

Qəza nəticəsində iki nəfər ölüb, daha iki nəfər isə xəsarət alıb.

Hadisə yerinə cəlb olunan Xüsusi Riskli Xilasetmə Xidmətinin xilasediciləri “Opel” markalı avtomobilin sürücüsü, 1971-ci il təvəllüdlü Məmiyev Füzuli Mədət oğlunun və sərnişin, 1966-cı il təvəllüdlü Məmmədov Kamal Nəcəf oğlunun cəsədlərini deformasiyaya uğramış nəqliyyat vasitəsindən çıxarıb, aidiyyəti üzrə təhvil veriblər.

Qeyd edək ki, “Subaru” markalı avtomobili idarə edən Arif Rəhimov Bakı Şəhər Baş Polis İdarəsinin mətbuat xidmətinin rəhbəri Qalib Rəhimovun oğludur. O, qəza nəticəsində yüngül xəsarət alıb.

17:17 (07.09.2017)

Bakıda ağır yol qəzası baş verib.

Oxu.Az Trend-ə istinadən xəbər verir ki, hadisə paytaxtın Səbail rayonu ərazisində Salyan şosesində baş verib. Yolda hərəkətdə olan "Opel" və "Mercedes" markalı avtomobillər toqquşub.

Qəza nəticəsində 2 nəfərin öldüyü, 3 nəfərin isə xəsarət aldığı bildirilir.

Hadisə ilə əlaqədar yolda böyük tıxac yaranıb. Hazırda yol polisləri ərazidə hərəkətin bərpasına və tıxacın aradan qaldırılmasına çalışır.


http://oxu.az/auto-moto

Turbo.az