TURBO.AZ QAYDALARI

ÜMUMİ QAYDALAR

Turbo.az saytında elan yerləşdirilməsi İstifadəçi razılaşması ilə tənzimlənir. Qaydaların pozulması və ya reklam üzrə istifadəçilərin çoxsaylı şikayətləri elanın və eyni zamanda onların sahiblərinin qeydiyyat hesablarının bloklanması ilə nəticələnə bilər. Nəzərdə saxlayın ki, bütün elanlar əlavə xidmətlərin (premium, VİP və digər) onlara tətbiq edilib-edilməməsindən asılı olmayaraq qaydalara uyğun olmalıdır. Qaydaların pozulması halında hətta ödəniş olunmuş elanlar da blok oluna və ya silinə bilər. Ticarət platformasının bütün istifadəçiləri üçün bərabər şəraitin təmin edilməsi məqsədilə hər kəs elan yerləşdirməzdən əvvəl Turbo.az-ın qaydaları ilə tanış olub riayət etməlidir.

  1. Elanların yerləşdirilməsi

    1. Bir ay ərzində istifadəçi ancaq bir pulsuz elan yerləşdirə bilər. Hər yeni elan ödənişlidir – 12 AZN. Elanın müddəti 30 gündür. Əgər elanın müddəti bitibsə və NV (nəqliyyat vasitəsi) satılmayıbsa, istifadəçi bu elanı “İrəli çək” xidmətinin haqqını 3 AZN ödəməklə bərpa edə bilər.

    2. 90 gün ərzində istifadəçi bir NV üçün ancaq bir pulsuz elan yerləşdirə bilər. 90 gün ərzində təkrar və ya oxşar (marka/model, rəng) elan yerləşdirmək ödənişlidir. “Təkrar elan” xidmətinin qiyməti 10 AZN-dir. Təkrar elanın dərc olunmasından sonra əvvəlki elan silinir.

    3. Saytda olan elanda NV haqqında məlumatları və şəkilləri başqa NV-ə aid məlumatlara və şəkillərə dəyişmək qadağandır.

    4. Saytda eyni zamanda eyni NV ayrı-ayrı elanlarda aşkar olunarsa, hər iki elan silinir. İki elandan birini bərpa etmək və ya yeni elanı yerləşdirmək üçün 10 AZN ödənilməlidir.

  2. Şəkillər

    1. Elanda şəkillərin maksimal sayı 21-dir. Elanda minimum üç şəkil olmalıdır: NV ön hissəsi, arxa hissəsi və salonunun tam ön hissəsi.

    2. Şəkillərin minimal ölçüsü 800х600-dir.

    3. Şəkillər keyfiyyətli olmalıdır.

    4. Qaranlıqda çəkilmiş şəkillər ancaq NV süni şəkildə kifayət qədər işıqlandırıldıqda qəbul edilir.

    5. “Skrinşot” şəkilləri dərc olunmur. Çərçivədə olan, və ya ağ/qara xətlərlə olan şəkillər dərc olunmur.

    6. Nəqliyyat vasitəsi Azərbaycan Respublikası ərazisində çəkilməlidir.

    7. Şəkillərdə turbo.az loqotipi və ya hər hansı başqa bir loqotip olmamalıdır.

    8. Şəkillərdə reklam xarakteri daşıyan məlumat olmamalıdır.

    9. Avtosalonda çəkilmiş şəkillər ancaq həmin avtosalonun adından yerləşdirilə bilər.

    10. Avtosalon adından yerləşdirilən elanlarda NV-nin avtosalonun içərisində və ya düz qabağında çəkilmiş şəkillər olmalıdır.

    11. Yad şəxslərin NV şəkillərinin və ya internetdən götürülən şəkillərin yerləşdirilməsi qadağandır!

    12. Şəkildə avtomobilin rəngi aydın görünməlidir.

    13. Şəkillərdə avtomobil hazırki vəziyyətində olduğu kimi göstərilməlidir.

  3. Qiymət

    1. NV-nin tam qiyməti qeyd olunmalıdır. Əgər NV kreditdədirsə, kredit şərtləri elanın təsvirində qeyd olunmalıdır. ilkin ödəniş məbləğini “Qiymət” xanasında qeyd etmək qadağandır.

  4. Təsvir

    1. Təsvirdə olan məlumatda təhqiramiz ifadə və reklam xarakterli məlumat olmamalıdır.

    2. Mobil nömrə və ya digər əlaqə məlumatını daxil etmək qadağandır.

    3. Təsvirdə yazılan məlumat xanada qeyd olunan məlumata uyğun olmalıdır.

    4. “Təsvir” bölməsini boş saxlamaq qadağandır. Burada NV haqqında 2-3 cümlə yazın.

  5. Əlaqə vasitələri

    1. Şəxsi əlaqə vasitələri düzgün qeyd olunmalıdır: ad, elektron poçt ünvanı, telefon nömrəsi.

    2. Elan dərc olunduqdan sonra telefon nömrəsi ilə bağlı heç bir dəyişiklik həyata keçirilmir.

    3. Elanda hər hansı dəyişiklik etmək üçün elan dərc olunan zaman sizin elektron ünvanınıza gələn PİN-şifrəni daxil edin. Əgər elektron ünvanınızı səhv qeyd etmisinizsə, şifrə telefon nomrənizə göndərilə bilər (bu xidmət ödənişlidir – 1 AZN).

    4. Elanda telefon nömrəsi səhv qeyd olunubsa, elan saytdan silinəcək.

    5. İstifadəçi yerləşdirdiyi elanın dəqiqliyinə, tamlığına, onun Azərbaycan Respublikasının Qanunvericiliyinə uyğunluğuna, elanda yerləşdirilən məlumatların üçüncü şəxslərin hüquqlarını pozmamasına və onların iddialarından azad olmasına görə məsuliyyət daşıyır.

  6. Elanın düzəliş edilməsi

    1. Elanda düzəliş etmək üçün “DÜZƏLİŞ ET” düyməsini basın. Dərc olunmamış elanlarda düzəliş etmək mümkün deyil.

    2. Siz ancaq qiymətdə, yürüşdə, təsvirdə və şəkillərdə düzəliş edə bilərsiniz.

    3. Bir gün ərzində yalnız iki dəfə dəyişiklik etmək mümkündür.

    4. Düzəliş edilmiş elan qaydalara uyğun deyilsə, silinir.

    5. Düzəlişdən sonra elan bir saat ərzində yoxlamadan keçir.

    6. Facebook istifadəçilərinin şərhləri silinmir.

  7. Qara siyahı

    1. Operatora və ya moderatora qarşı hörmətsizlik edən istifadəçinin əlaqə vasitələri blok olunur və o, Turbo.az saytında elan yerləşdirə bilməz!

    2. Elanda qiyməti fərqli qeyd edib sonradan isə telefonda digər qiymət söyləyən, başqa NV-nin şəkillərini yerləşdirən və ya hər hansı digər qaydaları pozan istifadəçi qara siyahıya düşür və Turbo.az saytında daha elan yerləşdirə bilməz!

    3. “Təkrar elan” xidmətinin qaydalarını pozduğu halda istifadəçiyə birinci dəfə xəbərdarlıq edilir, yenidən qaydaları pozarsa, qara siyahıya düşür.

    4. Özəl şəxs (adi istifadəçi) tərəfindən yerləşdirilmiş nəqliyyat vasitəsi elanlarının avtosalon tərəfindən satılması halları aşkar olunduqda, elan silinəcək və istifadəçinin əlaqə vasitələri qara siyahıya əlavə olunacaq. Bu halda ödənilən pul geri qaytarılmır.

    5. Əlaqə vasitələrinin qara siyahıdan çıxarılması mümkün deyil.

    6. Üçüncü şəxsin əlaqə vasitələri qeyd edildikdə və həmin səxs şikayət etdikdə əlaqə vasitələri qara siyahıya düşür.

  8. Avtosalonlar

    1. Bütün yuxarıda qeyd olunan qaydalar avtosalonlara da aiddir.

    2. Avtosalon adından elan yerləşdirmək üçün ödənişli paketlərdən biri əldə olunmalıdır. Hər paketin müəyyən elan sayı (limiti) mövcuddur. Paket 30 gün ərzində aktivdir. Paketdə nəzərdə tutulmuş elan limiti bitdikdə, hər növbəti elanın qiyməti 30 AZN təşkil edir.

    3. Avtosalon adından yerləşdirilən elanların bərpa olunması üçün ödənişli elan balansından istifadə olunmalıdır. Elanlara ödənişli xidmətlərin tətbiq olunması elanları yeniləyir, lakin müddətini uzatmır.

    4. Avtosalonlar üçün hər elanın qiyməti 30 AZN təşkil edir.

    5. Turbo.az saytının administrasiyası saytın qaydalarının bilərəkdən pozulması halları zamanı müqaviləni ləğv etmək hüququnu özündə saxlayır. Bu halda ödənilən pul geri qaytarılmır.

  9. Texniki dəstək xidməti

    1. Texniki dəstəyin telefonları Bazar ertəsi – Cümə saat 09:00-dan 19:00-a qədər, Şənbə 09:00-dan 13:00-a qədər işləyir.

    2. Texniki dəstəyə müraciət etdikdə mütləq elan nömrəsi qeyd olunmalıdır. Elanın nömrəsi elan yerləşdirilən zaman elektron ünvanınıza göndərilir.

Qayda pozuntularına yol verilibsə, hətta haqqı ödənilmiş elanlar da ləğv edilə bilər.


Əgər xidmət artıq göstərilibsə, ödənişli xidmətlərə görə ödənilmiş haqq geri ÖDƏNİLMİR. Həmçinin, xidmətin göstərilməsinin başlama vaxtı daha sonraya /əvvələ dəyişdirilə, xidmət başqa elana keçirilə bilməz.


Hər bir dərc olunmamış elana görə istifadəçinin elanı dərc edərkən göstərdiyi e-mail ünvanına elanın silinməsinin səbəbini izah edən avtomatik servis bildirişi (mesajı) göndərilir.


TURBO.AZ saytının Rəhbərliyi Qaydaların istənilən vaxt birtərəfli qaydada, öncədən məlumat vermədən (xəbərdarlıq etmədən) dəyişdirilməsi hüququnu özündə saxlayır.

Son yeniləmə tarixi – 06.11.2017