Bu gecə Yevlax-Zaqatala-Gürcüstan magistral yolunda bir nəfərin ölümü, iki nəfərin xəsarət alması ilə nəticələnən yol qəzası baş verib.
Gün.Az-ın bölgə müxbirinə Daxili İşlər Nazirliyinin (DİN) Baş Dövlət Yol Polisi İdarəsinin istintaq və təhqiqat bölməsindən verilən məlumata əsasən, magistralın 131-ci kilometrliyində, Balakən rayonu Tülü kənd sakini, 26 yaşlı Zaur Qarayevin idarə etdiyi “Mercedes” markalı, 90 GZ 607 dövlət nişan nömrəli avtomobil hərəkət istiqamətini itirərək aşıb.

Nəticədə müxtəlif dərəcəli ağır bədən xəsarətləri alan Zaur Qarayev Zaqatala Mərkəzi Rayon Xəstəxanasına aparılarkən yolda keçinib. Avtomobildə olan digər iki sərnişin yüngül xəsarət aldığından, onlara ilkin tibbi yardım göstərilərək evə buraxılıblar.

Faktla bağlı DİN-nin Baş Dövlət Yol Polisi İdarəsinin istintaq və təhqiqat bölməsində araşdırma aparılır.