Mercedes E 220, 2.2 L, 1994 il, 354 000 km

Salam, dost! Əgər sən "yaxşı qalmış" yox, "yaxşı baxılmış" 124 axtarırsansa, doğru elanı açmısan.
İndi isə səbəbini ətraflı yazmağa çalışacağam. Əlavə sualın qalarsa isə, WhatsApp-da yaza bilərsən, çünki zənglərə hər dəqiqə cavab verə bilmirəm.

"Bu maşına gözüm kimi baxmışam" – desəm yalan olar, çünki bəzən daha yaxşı baxmışam.
Məndə olduğu müddətdə gördüyüm işlər:
• Motorun ön və arxa salniki dəyişilib, yağ sızmasının qarşısı alınıb,
• Motorun yastıqları dəyişilib, titrəmə problemi həll olunub,
• Bütün tok sistemi yeni naqillərlə əvəzlənib, sönmələr və s. problemlər aradan qaldırılıb,
• Soyutma sistemi boşaldılıb, K2 antifriz ilə əvəzlənib,
• Arxa körpünün salniki dəyişilib, yağ sızmasının qarşısı alınıb və yağ əlavə olunub,
• Sürətlər qutusu sökülüb, çirki təmizlənib, modulyatoru dəyişilib və Alpine yağ tökülüb. Bununla da gecikmələri aradan qaldırılıb,
• Absorber sökülüb, içinin aktiv kömürü yenisi ilə əvəzlənib. Bununla da maşında benzin qoxusu problemi həll olunub,
• İsidicinin krantı C-Klassınkı ilə əvəzlənib, motoru yenisi qoyulub və isti hava zəifliyi həll olunub,
• Lyukun trosu yağlanıb, açılıb-bağlanması tənzimlənib,
• Bütün əyləc diskləri və nakladkaları yenisi ilə əvəzlənib.

Bunlardan əlavə:
Maşının şassi (xodovoy) hissəsində adlarını unutduğum bir çox iş görülüb, ön kolonkalar orijinal Pioneer ilə əvəzlənib, Ön 4K, arxa 2K çəkən Wolfbox kamera-güzgü quraşdırılıb, Mart ayında 4 ədəd yeni (2025) Kumho Solus təkərləri quraşdırılıb.

Kondisioneri işləyir, salonu dəridir. Ön şüşəqaldıranlar elektron, arxalar isə mexanikidir. Ciddi pası, çürüyü yoxdur.

Bu maşının heç mi çatışmazlığı yoxdur?! Əlbəttə var:
• Sükanda luft var, amma sükan yağı və filtri yeni dəyişilib. Sürüşə problem yaratmır.
• Boyasında qlobal problem yoxdur, amma bir dəfə cilalansa, daha çox parlayar.
• Sol arxa faranın yuxarısında və sürücü qapısında dəmirçi-rəngsaz işinə ehtiyac var. Şəkillərə diqqətlə baxdıqda görünür.

Bir 124 həvəskarı kimi sürdüyüm 3-cü 124-dən sonra başa düşürəm ki, artıq yenilik zamanıdır. Yenilik üçün pul, pul almaq üçün isə maşını satmaq lazımdır. Ona görə də maraqlı bir maşınla barter də mümkündür (VAZ və oxşar avtomobillərdən başqa).

Buraya kimi oxudun, əlavə heç bir sualın qalmadısa, gəl maşına bax. Xətaidə, metroya yaxın ərazidədir. Bəyənsən, yerində mütləq razılaşacağıq.